لــ محبي الـشاعر { فـهـد الـمـسـاعـد ،، =]

طبعاُ هذي القصيده أحبها موووووووت حتى حاطتها نغمة جوالي

طبعاُ موكذا حبيتها لسبب ما =]

سمعوها عدل تراها جميييله =)

..{ وحــدهـ بوحــدهـ }.. <<

للأستمآع أضغط هنا

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر


بالله شوفـي صاحـبـك كـيـف حـالـه
شوفيه فـي غيبتـك وشلـون صايـر ؟!


صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!


يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر


الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر


يـوم الطفـولـه والشـقـا والجهـالـه
يـوم الصغايـر فـي عيـونـه كبـايـر


ايــام كــان معـانـده راس مـالــه
ويسـوق لهـبـال الشـقـاوه بشـايـر


يامـا امتلـى بالحـب والطيـش بـالـه
ويامـا امتلـت مـن شخبطتـه العوايـر


يكتـب عليهـا : ( عااااشقـك للثمالـه )
ويخـطّ توقيعـه : ( جريـح الضمايـر )


يامـا اشتكـاه ابـوك فـي بيـت خالـه
ويامـا تحصّـل مـن هـواك العـزايـر


مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر


ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر


علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر


لاشـافـك يتمـتـم لحـالـه بــ حـالـه
لعيـون هـ الشوفـه تـهـون الخسـايـر


ولاشـاف زول ابـوك حــذّف نعـالـه
الحـب جايـر .. لكـن الـعـود جـايـر


طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر


كنتـي طموحـه .. كنتـي أغلـى حلالـه
كنتـي وصرتـي بـس يـاام الظفـايـر


طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر


لاتتركيـنـه فــي غيـابـك لـحـالـه
بالله شوفـي كيـف هـ الطـفـل صـايـر


ووحـده بـ وحـده كـان عنـدك عـدالـه
اتبّطلـي غيـبـه .. و ابـطّـل زقـايـر

كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي


عيبونـي واتركونـي فـي عمـايـه
واتركوا لي واحـد يرضـى عيوبـي


اتركـوا لـي واحـد يمسـح شقايـه
كل ما حـط الزمـن دوبـه و دوبـي


ذاك والله لـو ذكـرت انـه ورايــه
اشعر إن الكـون كلـه وسـط ثوبـي


يكفـي انـه لـو يسولـف للمرايـه
كن صوته يهمس لـ صورتـه.. ذوبـي


كيف أنا مـا أذوب مـا دامـه معايـه
اسمعه و أسهر معـه لآخـر دروبـي


كل مـا قـال السهـر درب الغوايـة
قلت كلـه مـن عيونـك هبّلـوا بـي


وكل ما قـال الخطـا ماهـو خطايـه
قلت له قـل للعيـون السـود توبـي


ضيعتـنـي واســأل الله الهـدايـة
وين أجيب العقل.. أجيبه من جيوبـي


من يعرفـك مـا يـدل العقـل رايـة
يا شروق العمر.. مدري يـا غروبـي


أذكر انك كنـت لـي مثـل الهوايـة
لو تروح ولو تجـي يبقـى شحوبـي


بس مدري كيف صرت اليـوم غايـة
وصرت أجي و أروح مدري عن دروبي


يـا بعـد عمـر الكتابـة و القـرايـة
يا الشمالـي يابـو الملـح الجنوبـي


لا قريـت اللـي كتبتـه يـا رجايـه
رح وبلغ ربعـي اللـي جننـوا بـي


قلهـم يمكـن يخـلـون الوشـايـة
و إن تمادوا خلهم مهمـا حكـوا بـي


أنت خلك بـس فـي الدنيـا عزايـه
لا تفكر في العـواذل وأنـت صوبـي


ادري إن كـل درب ولــه نهـايـة
بس أنا باقـي معـك لآخـر دروبـي

..{ سحــابــه }..

للأستمآع أضغط هنا


جف الكلام ومـدت يدينهـا فـوق : ..
.. أخترت هذي .. وأنت شف لك سحابه


قلت .. ويديني تحتضنها مثل طوق .. :
أختـرت هـذي هـذي أكثـر رحابـه


هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه


هذي هي اللي عرّفتني علـى الشـوق
هذي قدر .. ماكنـت حاسـب حسابـه


قطعة حزن في جيب بالـي ومشقـوق
ومضة فرح في عيـون نـاسٍ غلابـه


أن سولفت فـي ثغرهـا لمعـة بـروق
وإن سرّحت في عيونها صمـت غابـه


واليا اضحكت نورٍ من الفجر مسـروق
واليـا بكـت تحـزن عليهـا الكآبـه


حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"


هـ الآدمي من وين له قلـب و عـروق؟!
والصبر هـ المسكين مـن ويـن جابـه؟


وأنـا أتكلّـم .. ردّت عيونهـا فـوق
ثم تمتمت : من هي هـ الأكثـر رحابـه؟؟


قلت ويدينـي تحتضنهـا مثـل طـوق
فـي ذمتـي ما شفـت غيـرك سحابـه

..{التفاصيــل الصغيــره }..

للأستمآع أضغط هنا






ازعل عليك احيان
وأزعل على نفسي قبل ماأزعل عليك

..{حبيت أوضح لك}..

للأستمآع أضغط هنا

في عز ماكنت أهوجس فيك وافتح لـك
أبـواب قلبـي خذتنـي رجلـي لبابـك

وجيتك وأنا مااذكر إني كنت رايـح لـك
بس اذكـر انـي كـذا لاطـول غيابـك

ياما ترددت مدري كيـف بشـرح لـك
أجيك وارجع .. أبيك تقول وش جابـك

ياابن الأوادم تـرى مليـت ألمـح لـك
أنا أعزك .. وأحبك .. واعشق ترابـك

لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك

ان كـان ودك ترسيّنـي علـى كحلـك
لمّيت عمري .. وخاويتك على أهدابـك

لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك

لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك

..{19 عآم}..

للأستمآع أضغط هنا

19عـام .. وبقـى لـك بعـد عــام

ويصير عمرك مثـل ماأنتـي تحبيـن

عقبـال ماتمضـي الليالـي والأيــام


ويمر يوم ٍ فيـه اشوفـك تقوليـن : ..

ياشاعـري قـل للدفاتـر والأحــلام




مرت سنـه واليـوم كملـت عشريـن


قلّي كبرتي .. قل كبرتي .. من العام ..

وأنا احتريها .. وأنت ساكت لهالحين ؟!

وأقـول هـذي كلهـا حسبـة أرقـام




هو للسحابه عمـر !ردي ؟!وبعديـن ..

مهمـا تكـبّـرك الليـالـي والأيــام




تبقيـن طفلـة قلبـي اللـي تحبـيـن

★

..{عين بـدوي}..

للأستمآع أضغط هنا


واتذكر عشت اللي مضالي من غيا
من غيابك لين هذا اليوم
والهم سروي !
حالتي صعبه ..
وضيقة خاطري قلة حيا ..!
منطوي ..واحس فيني شي مثلي منطوي
من بعد ماكان هذا القلب مرباع اخويا
ضاقت الدنيا عليه ولا بقى منهم خوي
هيه ياللي همس صوتك .. نور وحروفك ضياء
ليت صمتك موت واشرب من فراقك وارتوي
ودي ادري قبل ماحيا ..كيف اموت ولا حيا..؟
كم تعبت اموت وارجع مثل خلق الله سوي
يالحقيقه فالزمان الممتلي كذب وريا
مابقالي غير كلمه قبل مالصوت يهوي
اقسم برب البروق اللي كما مبسم هيا
انك اغلى من بكور الوسم في عين بدوي

..{صالات المطآر}.. ماهي من نفس الألبوم ...

ولكن من أروع ما كتبته وخطته أنامل الشآعر فهد المسآعد

للأستمآع أضغط هنا


قبل اسافر كنت جالـس فـي زمـان الأنتظـار
ارتشف هم المكـان .. و كـل همـي حاجتيـن

كنت خايف من يباس .. و كنت خايف من خضار
كنت اخاف انك تجين و كنت خايف مـا تجيـن

لين شفتـك مـن ورا بيبـان صـالات المطـار
مقبله من كثر شوقك .. كنت اشوفـك تركضيـن

مرةٍ ركضـك يميـن و نظـرة عيونـك يسـار
و مرةٍ ركضك يسـار و نظـرة عيونـك يميـن

تايهة .. ما كنـك الا ضحكـةٍ وسـط انكسـار
ساكتـه .. ماكنـك الا دمعـةٍ فيـهـا حنـيـن

خايفة .. وجلة .. حزينة .. يعني كنتي بأختصار

تشرحين لكل جاهل معنـى كلمـة ( عاشقيـن )

بعدهـا جيتـك ولـدّت عينـك و دار الـحـوار
من كفوفـي دمعتيـن و مـن كفوفـك دمعتيـن


كنت اصد و كنتي انتـي ثايـره مثـل الشـرار
ماعلى لتغة لسانك غير كلمة ( وين ؟ ويـن ؟ )

واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن

لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن

اذكريني لاانتهت للشمـس رحلـه مـع نهـار
واذكرينـي لاصحـى للصبـح ورد الياسمـيـن

واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن


اذكرينـي واذكرينـي واذكرينـي .. بأختصـار
..اذكري (.................) قـدّ ماانتـي تقدريـن !








وبسسسسس أتمنى يعجبوكم مثل ما عجبوني

{ أعــ ش ـــق الـــ شــ ع ــــر ،،،

الله يحييك

إيه اسمها الصوره

أنا عندي بجهازي تجننننننن مآآآآآآآره تضحك

هههههههه

بس ما شفتها بدورها إن شاء الله وأحطها لك


شاكرة لك مرورك العطر